الخميس 25 مايو 2017 م - 28 شعبان 1438 هـ
  • ملعب الشاطر
  • مع شوبير

تعليق التخاطيف علي مفاوضات جيمس بيكلي

تعليق التخاطيف علي مفاوضات جيمس بيكلي
2016-12-25 15:02:12

#تخاطيف_مع_شريف

كلامي اللي قولته للي بيفاوض بتروجيت لشراء بيكلي 

سقف طموح النادي الأهلي وجماهيره عاااالي أوي " فنيا ، مهاريا ، بدنيا ، مستقبليا "

- يعني مثلا متقوليش "بيليات" اللي هو "أفضل لاعب في أفريقيا" وبعدها تجيب " شيملس بيكلي " مع إحترامي ليه لاعب جيد لكنه مش أفضل من "بيليات" المتاح " لا فنيا ولا مهاريا ولا بدنيا ولا مثلا أصغر منه لاء ده أكبر .

- لو الأمر متعلق بفلوس ودولارات فأسف إني أقولك " ده عند أم ترتر الكلام ده " خزينة الأهلي دخلها السنادي بس من بيع "إيفونا ورمضان وتريزي" 200 مليون جنية فبلاش نسترخص سيبوا الكلام ده لناس تانية كلنا عارفينهم مش لاقيين ياكلوا .

- أنا غير معترض علي "بيكلي" بالعكس لاعيب "كويس ومحترم" ولكن الأهلي كبيررررر أوووووي يا باشمهندس محمود وطموحات جمهوره كبرت مع الأسماء المتاحة والمعروضه والمعلنه كنا مستنيين فلافيو ، إيفونا جداد مش بيكلي ولا كاسونجو ولا بوكو بكل أمانة وإحقاقا للحق "صالح جمعة وحمدي ذكي وميدو جابر" عندي أفضل من بيكلي علي الأقل أوفر المكان الافريقي ل"فلافيو او إيفونا جديد " ومستوى الثلاثي المصري ده لا يقل عن بيكلي .

- أخيراً يا باشمهندس محمود ويا كابتن حسام الدبابة إيفونا لما الراجل المحترم الدينامو "هيثم عرابي" جابه ب"2.4 مليون دولار وقتها 16 مليون جنية" حضرتك قولتله يا هيثم المبلغ مبالغ فيه قالك "وعد إيفونا هيجيب أضعاف تمنه ده لسه 22 سنة" وفعلا سنة واحدة و ال16 مليون رجعولك 100 مليون بالتمام والكمال ، لكن مع إحترامي لحضرتك بيكلي 27 سنة يعني لو لعبلك موسمين كمان صعب إنك تسوقه أو تقول أنا عاوز فيه 2 مليون دولار مثلاً وطبعاً ( مع إحترامي لشيمسلي بيكلي اللاعب الجيد ) .

- ده رأيي اللي كان لازم أقوله حتي لو صحينا بكره لاقينا الأهلي أنهي التعاقد مع "بيكلي" فقط حبيت أسجل رأيي وأقول #طموح_الأهلي_كبير و #إسم_الأهلي_أكبر 

أُضيفت في: 25 ديسمبر (كانون الأول) 2016 الموافق 25 ربيع أول 1438
منذ: 4 شهور, 29 أيام, 21 ساعات, 42 دقائق, 43 ثانية
0
الرابط الدائم

التعليقات

330
أضف مقالك

استطلاع الرأي

من هو أفضل لاعب في الأهلي حالياً ؟
ملعب الشاطر
مع شوبير
جميع الحقوق محفوظة 2016 © - تخاطيف مع شريف