الإثنين 23 يناير 2017 م - 24 ربيع آخر 1438 هـ
  • ملعب الشاطر
  • مع شوبير

تخاطيف مع شريف الإعلام الفاسد

تخاطيف مع شريف  الإعلام الفاسد
2016-11-22 21:05:21

#تخاطيف_مع_شريف

- هفضل أتكلم علي الإعلام التافه والموجه والمأجور وهفضل أدي أمثلة عشان الناس تفهم اللعبة الوسخة ..

- فاكرين لما الإعلام ركز وفضل يتكلم عن صالح جمعة والعقوبات اللي عليه ساعتها قولت للمأجور اللي كان بيصالح سيده عشان يسيبه في ال DMC مش هتقدر تفتح بوقك أو تتكلم عن بلاوي وكوارث البيت الأبيض لأنك واخد تعليمات هتفتح بوقك هتاخد بالجزمة وتقعد في بيتكم ..

- الفترة القصيرة اللي فاتت شهدت بلاوي وكوارث وفضاااايح داخل البيت الأبيض حدث ولا حرج لاء ده الأزمات والفضايح كتيرر وسط صمت إعلام الدلاديل من أول 

- إقالة مؤمن سليمان بطريقة مهينة ثم عودته ومفاوضة حسام حسن وحلمي طولان وحسن شحاته والاتهامات المتبادلة بين رئيس النادي والمدرب عن الكوارث الفنية وعيوب التشكيل ولكن دلاديل الإعلام سكتم بكتم .

- أزمة إسلام جمال وعرضه للبيع وإبعاده عن التدريبات بسبب قرار رئيس النادي بطرده من النادي وموافقة النادي علي عرض المريخ السودان بإستعارة اللاعب مقابل 50 ألف دولار فقط !! وأخيرا تمارض اللاعب ورفضه المشاركة في التدريبات ولكن دلاديل الإعلام سكتم بكتم

- أزمة إحتراف مصطفي فتحي ورفض اللاعب الإستمرار وتصريحات وكيله ورد رئيس النادي وقبلها كان غضب اللاعب ورفض التدريب مع المستبعدين ورفضه الجلوس علي الدكة ولكن دلاديل الإعلام سكتم بكتم

- أزمة تجديد عقد باسم مرسي وشروطه للتجديد اللي أولها رفع جميع العقوبات من عليه والتي تقدر ب 1.4 مليون جنية بسبب الانستجرام 300×4 عقوبات بالإضافة إلي 100 ألف بسبب إعتراضه علي إستبداله في مباراة الوداد اللي شالوا فيها 5 هناك و أخيرا 100 ألف جنية بسبب علاقته بالوايت نايتس الإجمالي 1.6 مليون جنية عقوبات .، والشرط التاني كان حصوله علي 6 مليون جنية سنوياً ولكن دلاديل الإعلام سكتم بكتم .

- ازمة الشناوي الحالية ورفضه القاطع لتعديل العقد وإلغاء بند الشرط الجزائي 1.5 مليون يورو ومطالبته بالعودة للمباريات والمشاركة أساسي في المباريات وغالباً هيخضعوا لكل شروطه خوفاً من رحيله المنتظر ولكن دلاديل الإعلام سكتم بكتم .

- أزمة تجديد عقد جنش اللي كان متفق مع الزمالك علي التجديد مقابل 1.8 مليون جنية وبعد سقوط الشناوي رفع اللاعب مطالبه ل 2.5 مليون جنية ولما جنش عرف إن الشناوي معروض عليه 5 مليون وهو رافض رفع طلباته ل3 مليون جنية سنوياً وقالهم 50% مقدم ده طبعاً بعد ما أعلنوا توقيع اللاعب رسمياً ولكن إعلام الدلاديل سكتم بكتم .

- أزمة هروب الليو هارب من المنتخب بداعي الإصابة واللي إتكررت أكتر من مره يهرب من المنتخب وبعدها ب24 ساعة يشارك مع الزمالك نستني حد يفتح بوقه ، يتكلم ، يشاور ، يتهبب ، يتشقلب ، يلقح ، أبداً دلاديل الإعلام سكتم بكتم .

- أزمة تعاقدات الزمالك والإصابات المزمنة والتعاقد مع اللاعبين بدون توقيع أي كشف عليهم " علي فتحي و مسعد " الراحلان قريباً شفاهم الله وعفاهم ولكن دلاديل الإعلام سكتم بكتم .

- أزمة الإستقالات ال4 المتتالية داخل المجلس الأبيض تخيل 4 إستقالات ل 4 أعضاء مجلس إدارة وكلها إستقالات مسببه للوزير ومفيش برنامج او مخلوق قال " اللهم إجعله خير في إيه " محدش يجرؤ لأن دلاديل الإعلام سكتم بكتم .

- أزمة مرتضي منصور القادمة مع باسم مرسي بسبب عزومته للوايت نايتس في حنته ورقصه بالشماريخ معاهم وده خلى رئيس النادي يتوعده وهتشوفوا الفترة الجاية وهتسمعوا لكن دلاديل الإعلام سكتم بكتم .

- وبالامس كانت أزمة سب علي جبر لمؤمن سليمان بلفظ خارج وبعد طرده راح سابب الدين وتم إستبعاده من مباراة اليوم ولكن جاء قرار رئيس النادي الخفى عفى الله عما سلف وتعليماته لدلاديل الإعلام محدش يفتح بوقه محصلش حاجة وفعلاً دلاديل الإعلام سكتم بكتم .

- الأزمة القادمة بقا هي بحث مرتضي عن مدير فني جديد للفريق يخلف مؤمن سليمان وإتصالاته مع حلمي طولان مستمرة ولم تنقطع وممكن قريباً نسمع خبر رحيل طولان عن سموحه وتوليه تدريب الزمالك ولكن دلاديل الإعلام سكتم بكتم ..

- عارفين التعليمات اللي واخدها دلاديل الإعلام إيه هقولكم " أزمة متعب ونقول برق للبدري وقال إنتوا مصدقين نفسكم واللاعيبة مصدقه وعباس الضو مصدق قسما بالله ده ينفع مشهد في فيلم هابط .. محدش بيقول الأهلي مفيهوش سلبيات لكن كوارث الزمالك كتيررررر وسط صمت إعلام الدلاديل #أسف_للإطالة ولكنه #إعلام_الدلاديل

أُضيفت في: 22 نوفمبر (تشرين الثاني) 2016 الموافق 21 صفر 1438
منذ: 2 شهور, 7 ساعات, 19 دقائق, 4 ثانية
0
الرابط الدائم

التعليقات

37
أضف مقالك فرص عمل فورية

استطلاع الرأي

من هو أفضل لاعب في الأهلي حالياً ؟
ملعب الشاطر
مع شوبير
جميع الحقوق محفوظة 2016 © - تخاطيف مع شريف