الأهلي

رمضان صبحي يوضح حقيقة خلافه مع اليوبادچي 

تخاطيف مع شريف

كشف نجم النادي الأهلي ومنتخب مصر " رمضان صبحي " عن حقيقة مطالبته بعدم إنضمام محمد صلاح للمنتخب الأوليمبي قائلا "لم أصرح أن محمد صلاح لا يجب أن ينضم للمنتخب في الأولمبياد، هذا الأمر يعود لشوقي غريب أنا ضامن مكاني في الأولمبياد ولكن دوري ك كابتن فريق الحفاظ علي حقوق جميع لاعبي الفريق وهذا ما تعلمته من كباتن النادي الأهلي".

وقال صبحي " فايلر دايماً كان عاوز أكون ايجابي على الجون مع التوفيق طبعا وكان فارق معايا جدا الفتره دى"

وواصل حديثه " ما حدث مع بادجى خلاف استمر ربع ساعه ، اتصافينا فى ثانيه فى وجود كبار الفرقه زى اكرامى وفايلر كان موجود، دخلت اوضة اللبس وسلمت عليه وحضنته وكل شئ انتهى ، ممكن اكون عارف الموضوع اتضخم ازاى لكن مش حابب اقول".

وقال رمضان "الأهلى كان محتاجنى وكنت محتاج الاهلى ، نفسي العب فى الأهلى طبعا لكن الان أفكر فى الاحتراف ، لو جالى مكان كويس هيفيدنى دا حلم لي".

وصرح نجم الأهلي "لو رجع بيا الزمن تانى فى 2015 كنت هقف على الكوره ، لكن فى 2020 لا".

وواصل قائلاً "مريت بـ مواقف صعبه على عكس توقعك ، لعبت فى اكبر دوري فى العالم والكل مستنى رمضان لكن شوف أتيحت لى كام كوره وعملت اللى فى دماغ الناس ولالا ، معظم الوقت كنت بدافع ، مش هطلع أشرح كل دا" .

واكمل حديثه قائلاً "إختارت هيدرسفيلد لأن المدرب كان مهتم جدا ونهيت كل شئ قبل كأس العالم وكان واعدنى هلعب كل الماتشات ، ولعبت فى فترة الاعداد ، وفهمنى ان فى المباريات الكبيره مش هلعب عشان خطته 3-5-2 ، كنت خلاص هبدأ بعد ماتش السيتى لكن جالى كدمه حاولت اتحامل لكن مقدرتش ".

وصرح قائلاً "رجعت بعد أسبوعين وجالى كدمه تانى ، رجعت منتصف 11 كان المدرب حسم خطته".

واختتم صبحي حديثه "لحم كتافي من خير الأهلى ، من غير الأهلى مكنش فيه رمضان صبحى ، جمهور الاهلى كل شئ ، كنت بحضر فى التالته زمان وبشجع والجمهور عارف كنت بحضر كل المباريات اللى فى القاهرة ، شقاوة قديمة".

رمضان صبحي الأهلي بادجي

استطلاع الرأي